DESENVOLVEMENTO DUN NOVO SISTEMA DE CONFORMADO TÉRMICO AUTOMÁTICO PARA ESTRUTURAS NAVAIS (ITC-20133004)
O proxecto CONFORSHIP é un gran proxecto integrado de desenvolvemento experimental e de carácter estratéxico cuxo obxectivo principal é lograr a implantación efectiva na industria da construción naval dun novo sistema de conformado térmico automático para a obtención de chapas de curvatura complexa.
Na actualidade, esta operación realízase manualmente implicando ineficiencia, impreditibilidade e problemas de calidade.
Esta implantación lograrase a través do desenvolvemento de tecnoloxías habilitadoras consistentes en:
- Modelado numérico do sistema de quentamento
- Sistemas integrados de control e medición de xeometría
- Sistemas de programación automática e control en lazo pechado baseados en modelos preditivos e sistemas expertos que serán incorporados a un equipo CNC, resultando un novo concepto de máquina e proceso automático conformado que sería exportable, posteriormente, a outros sectores industriais
Este proxecto foi promovido polos estaleiros CNP FREIRE e NODOSA xunto co fabricante de maquinaria NODOSAFER, que lidera á súa vez o devandito proxecto.
Os estaleiros participantes dirixirán a integración dos distintos resultados e a validación da tecnoloxía desenvolvida no ámbito da industria naval.
O consorcio conta ademais coa participación dunha grande empresa como COREMAIN, especializada en desenvolvemento de software e unha peme especializada, entre outras, en automatización e integración de procesos industriais como é SYSPRO Engineering.
As liñas de calor que se van aplicar nas chapas ou a xeración do sistema experto baseado na experiencia dos operarios que permita a corrección proactiva das liñas de calor en función do comportamento real da chapa a medida que é conformada.
Este proxecto foi apoiado polo do CDTI, o Ministerio de Economía e Competitividade, a Axencia Galega de Innovación (AGI) e o Fondo Tecnolóxico.
